Plantun de Prouvènço

Pèr coumpara dos planto d'encò nostre

Cuscuta approximata & Najas gracillima

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Naïado(-primo)

Najas gracillima

Hydrocharitaceae

Autre noum : Limoun.

Nom en français : Naïade gracile.

Descripcioun :
Aquesto naiado, que nous vèn d'Americo dóu Nord, trachis dins li risiero de Camargo. Èi la mai primo de tóuti li naiado que rèston aro au nostre. Li fueio soun larjo de 0,2 à 0,5 mm e subretout verticillado pèr mai que tres (au contro de Najas minor e Najas indica). Poudèn apoundre que li fueio se roumpon pas tant d'aise aqui.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : erbo
Taio : 10 à 50 cm
Fueio : costo paralèlo
Tipe bioulougico : Idroufite
Cicle bioulougico : Planto de l'an

Gènre : Najas
Famiho : Hydrocharitaceae

Ordre : Alismatales

Coulour de la flour : Verdo
Petalo : 3
Ø (o loungour) flour : 1 mm
Flourido : Printèms - Estiéu

Sòu : Ca
Autour basso e auto : 0 à 400 m
Aparado : Noun
Jun à setèmbre

Liò : Aigo - Risiero
Estànci : Termoumediterran à Mesoumediterran
Couroulougi : Óurigino Americo dóu Nord
Ref. sc. : Najas gracillima (A.Braun ex Engelm.) Magnus, 1870

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Najas gracillima

ges

Coumpara Péu-de-lin(-di-sepalo-lusènto) emé uno autro planto

Coumpara Naïado(-primo) emé uno autro planto